Pre yung baso me lumot na!

Inuman blues naman tayo mga Boiling Point! people. Marami ang naniniwala na sa inuman mo makikilala ang mga taong nakakasama mo. Sa inuman kasi, me bilang lahat ng galaw mo. Lahat ng kuwento, kilos, tawa at siyempre tagay, marami ang nanunuod at nag-aabang. Kaya ito ang listahan ng mga taong talaga namang nakaka-badtrip sa inuman! Yung tipong dahil sa sobrang badtrip mo, pinag-iisipan mo nang hampasin ng bote pagkatapos ng inuman!

Unang olats sa inuman! Si Boy Buraot! Hindi ako magmamalinis at aaminin kong minsan ay di ko ma-iiwasang maging buraot kaya pati sa sarili ko, badtrip talaga ako! Hindi mawawala sa inuman ang mga buraot. Kadalasan, magaling mambola ang mga buraot. Dadaanin ka nila sa kuwento at mga patawa. Hindi mo mapapansin na sumasarap nga naman ang inuman pag siya ang bangka sa kuwento. Bida siya kumbaga. Pero pag dating ng bayaran, diyan huli ang mga buraot. Madalas silang nag-nininja moves pagdating ng bill. Kung patak-patak naman ang style nyo, malamang si boy buraot ang kumukuha ng mga patak para hindi halatang wala naman siyang ambag. Ok lang naman na ilibre siya e, pero ang nakaka-init lang talaga ng tumbong e kung sino nang hindi magbabayad, siya pang pinakamatakaw sa alak! Anak naman ng buwaya o! Kung makalagok ng beer e parang wala nang bukas! Hayyyssst!

Pangalawang kailangang bantayan sa tagay e yung mga me malilikot na kamay pagdating sa mga kasamang babae! Sila ay itago na lang natin sa pangalang Boy Manyak! Ang turing ni boy manyak sa sarili niya ay "God's gift to women". Para bang napaka-swerte pa ng babae na tinatabihan sila ng hambog na ito. Kadalasan ay sisimplehan niya ang mga babae sa kwento. Maya-maya, kunwari lasing na si ungas. Aakbay, tapos hahawak sa bewang. Pag nakalusot ang unang dalawang moves, ayan na, kung saan-saan na lumalanding ang kamay ni Boy Manyak! Tae! Sa mga ganitong tao ako talaga namang init na init! Kapag kasi   kinausap mo sila kinabukasan tungkol sa kamanyakan nila, isa lang ang sagot nila! "Di ko alam mga ginawa ko kagabi pare, lasing kasi ako." E tarantado ka pala eh! Dalawang bote lang nainom mo, lasing ka? Nampucha men! Wag ganun! Kung gusto mong magparaos, dun ka sa banyo! Wag dito sa mesa!

Ang pinakamadalas naman na nasa inuman ay yung mga Boy Pitik! Sila yung mga pumipitik na ng yosi, pipitikin pa pati lighter mo! Langya naman boss! Magbibisyo ka tapos hindi ka magbabaon ng yosi mo? Anong klaseng ugali naman yan. Alam mo nang mabilis maubos ang yosi sa inuman, tapos buburaot ka lang! Naman! Mahal na yosi pre, magdala ka din ng sayo minsan! Ang mas nakaka-inis pa sa mga buraot sa yosi, minsan maarte pa! Anlakas nila mangantyaw kapag nakita nilang yung murang yosi ang hinihithit mo. Tatawanan ka pa sabay tanong ng "Bakit fortune pare?" Samantalang pag nagkaubusan na, sila naman ang unang manghihingi ng "murang" yosi mo! Kapal ng mukha ampota! Sige pagbigyan na natin ang mga hindot na buraot ng yosi! Pero ang hindi ko mapalagpas at talaga namang nagdadala sa Boiling Point! ko ay yung mga pumipitik ng lighter! Ok lang sa yosi madami akong dala nyan. pero tsong, iisa lang ang lighter ko! Me mga lighter na mura men, kung gusto mo, ibibili pa kita pero ina naman! Wag mo naman nakawin lighter ko! Gaya nitong huling sabak ko, lima na nga lang kami sa mesa, 3 ang lighter sa hapag, nawala pa yung akin! Kung pwede lang maghurumintado e! O siya, tatagay pa ako at mag-oobserba ng mga hindot sa inuman. Tandaan nyo ang mga nabasa niyo ngayon para sa susunod na inom niyo, mabawasan ang tsansang hampasin ko kayo ng bote pag ako ang kaharap niyo! Kampay!

Bili ka ng Beats jan sa bangketa please!

Musika. Musika ang isa sa mga pinakatrip ko sa mundo! Madami akong tugtog na sobrang trip at siyempre mas marami yung mga hindi. Lahat tayo me kanya-kanyang trip jan. Di kita aasarin kung trip mo si Justin Bieber o ang Call Me Maybe. Trip mo yan e. Ang kinaka-init lang talaga ng ulo ko e kapag yung taong me trip na kanta, e patugtugin ng malakas sa mga lugar na dapat e tahimik. Langya naman! Bumili ka ng kahit na pekeng Beats pare!

Isipin mo ha, nakapila ka sa kung anumang kelangan mong pilahan. Mainit, sikisikan, amoy alimuom tapos biglang yung nasa likod mo e papatugtog sa MP3 player niya! Pucha! Lakas ng trip e! Ito pa ha, ok lang sana yun e kung music ang papakinggan. E anak naman ng tinapa! FM pala yung trip! Hay naku brad! Di lahat ng tao trip yang si Christsuper at Nicholeyala! Sa haba ng pila e ingay lang ng radyo yung maririnig mo. Buti sana kung solid yung tunog e sabog pa yung loudspeaker! Ewan ko ba sa mga taong ganyan kung bakit hindi nila maisip na sila lang ang natutuwa sa kabobohan nila!

Pak talaga! Sige pagbigyan yung mga airhead sa pila. Kung na-tolerate yung mga kups na yun, siguro naman sa mga 'to ka badtrip na badtrip! Biyahero ako. Madalas ako sa bus kaya madalas ko ring nakakasabay yung mga damuhong hindi alam na mas maganda ang tunog pag naka-earphones sila! Shemay! Yung tipong pagod ka sa mahabang araw tapos gusto mo sanang umidlip sa biyahe tapos yung nasa harapang upuan e trip palang makinig ng hits ni Justin Bieber! 'Pag pikit mo pa lang e dinig na dinig mo na yung "Baby, Baby, Baby oh......" (pasintabi sa mga me trip ke JB, di ko siya trip e pero love ko pa din kayo.. palitan nyo na lang ng ibang lyrics.. hehe) Anak ng teteng talaga na LSS ka na!

Eto ang talagang nagtulak sakin kumbakit nag-init ang ulo ko sa mga bwakanang na mga ignorante sa earphones! Siyempre broadcast ang music nila. Lahat ng nasa paligid, makakarinig. Nang dahil sa ganun, nagiging insensitive sila sa mga taong nasa paligid na hindi nila alamm e me mga dinadalang problema na pinapa-alala ng mga kantang madamdamin. Gaya ng nangyari sa tropa ko. Nakapila kami sa kuhanan ng NBI clearance. Yung nasa harapan namin biglang nagpatugtog. Nung una ayos lang, OPM. Soundtrip din kami.  E nung pangatlong kanta e sumingit ang emong kanta na "Heart of Mine" ni Boz Scaggs key in music "Heart of mine, how will you keep from dying, stop reminiscing, who is she kissing..." Langya talaga muntik magwala nung kasama ko e! Ganung-ganun kasi yung nangyari sa kanya e.. Hanapin nyo na lang sa youtube para magets nyo yung kanta. Eto pala yung kanta.http://www.youtube.com/watch?v=KbI9SuLZyGc&feature=related

Oh well. Hindi lahat ng tao kapareha ng trip mo sa buhay. Kung di ka sigurado, sarilinin mo muna yung trip mo tas magtanong2 ka muna sa paligid baka me brokenheart na bigla mo na lang bibigyan ng heart attack nang dahil sa kabobohan mo. Aba maam/ser ang mura lang earphones! Isip-isp ng kaunti para di kita mailagay dito sa BoilingPoint! Salamat po sa pagbasa at sana e ikalat nyo pa ang kabasa-basa sa kili-kiling highblood experience dito!

Alam mo para kang Nokia... USER-FRIENDLY ka!!!

Sabi ng idol kong si Kuya Kim, ang buhay ay weather-weather lang. Minsan swerte, minsan naman, saksakan ka ng malas. Sa mga taong nakikilala at nakakasama natin, ganun din 'yan. May mga taong matatawag mong hulog ng langit at siyempre, madami yung mga sabihin na nating pati sa impyerno e baka hindi pa sila patuluyin. Iba't ibang klaseng taong makakasalamuha, iba't ibang klaseng karanasan. Nitong mga nakaraan e talagang nadala ako sa BoilingPoint! ko ng isang uri ng taong tawagin na lang nating "Nokia". Yung ubod nang kapal sa pagiging user friendly! Pucha! Hindi ko ugaling maghangad ng masama sa kapwa tao pero muntik na talaga e! Pfft!

Malamang e alam nyo naman na kung ano ang mga kartada ng ganitong mga klaseng tao, pero dahil sa nagbabasa ka ng BoilingPoint! Sama-sama nating balangkasin ang mga "Nokia". Una, dadating sila sa buhay mo na parang mga anghel na walang maidulot sa'yo kundi sandamakmak na kasiyahan at swerte. Cloud 9 ang feeling kumbaga. Sarap nila kasama, kakwentuhan, ka-inuman, kausap, kalandian, kakulitan at kung anu-ano pang sh*t na maiisip mong enjoy pag kasama mo sila. Andyan pa yung magkakapuyatan kayo na parang di rin kayo magkikita bukas. Pfft..

E 'di ayan, kilala mo na sila bilang mga bagong friend/inspirasyon/tropang dikit. Dun na sila magsisimulang umatake. Dito na papasok yung pagiging user-friendly ng mga damuhong ito pag nakuha na nila ang tiwala mo. Andyang uutangan ka, papalibre sa'yo, uutusan ka, at kung anu-ano pang panghaharabas sa katauhan mo na ikatutuwa nila! Halatado naman sila e. Alam mo kung ano lang talaga habol ng mga lintang ito sa'yo pero 'di mo pinapansin. Eto mga madalas mong palusot sa sarili mo tsong! Umamin ka! Sasabihin mo sa sarili mo, "For the sake of friendship", o "tropa e", pwede ring "nakaka-awa naman pare" o di kaya, "mabait naman sa akin 'to e". Pag naman chikas o pogi ang nokia, mas panalo mga rason mo, "Puso ang kalaban pare", "Siya na kasi yata e", "Masaya naman ako sa mga nangyayari e", ito ang kadalasang mga linya. Nampucha! E hindi lang natin alam e hindi man lang nila iniisip yung kalagayan ng mga ginagamit nila! Mga badtrip!

Pero siyempre all good things must come to an end ang drama ng mga damuhong yan! Pag tuyot ka na at hindi mo na maibigay yung mga trip nila, parang mga dagang nakakita ng pusa yang mga 'yan! Kebibilis mawala! Yung iba pa me natirang kaluluwa pa kahit papano, gagawan ka ng excuse para hindi ka masyadong kawawa. Yung iba, parang mga signal ng cellphone na bigla-bigla mawawala tas paparamdam paminsan. Pero yung pinakanakaka-irita sa mga Nokia e yung mga talaga namang kulang na lang e apoy sa background dahil talaga namang demonyo na sa sobrang sama! Sila yung mga tipong sasaktan ka pa sa dulo! Yung pina-asa ka sa masayang bukas pero naidlip ka lang saglit e nasa ibang kama na! Ay pucha! Men! 'Pag itong nokia na to ang nakatagpo mo, wag ka masyadong magkakakain ng ma-cholesterol dahil siguradong atake sa puso ang aabutin mo! GRRRR!! BoilingPointt achieved! Pocha!

Hayzt! Nako! Ewan ko sa inyo pero naku imbes na mtulog na'ko ngayon e papababa muna ako ng BP baka bangungutin ako. Medyo kaiba sa mga naunang post pero babawi ako sa kasunod! Suggest kayo ng mga BoilingPoint! moments nyo para masaya at sama-sama nating abutin ang ating mga BoilingPoint!

Sana nagpalda ka na rin!

Porma. Importante ang porma sa lahat ng tao. Bago tayo umalis ng kani-kaniya nating mga bahay e sinisigurado nating maayos tayo tignan. Kahit anong klaseng porma pa yan lagi dapat meron para di naman tayo mukhang gusgusin. At malay mo pag nakasalubong mo pa crush mo e mapansin nya kahit yung porma mo lang.

Sabi ng karamihan mas simple daw pumorma ang mga lalake. Mas mahirap daw magbihis kapag babae na agree naman ako. Sa akin naman, ok na ang pormahan ko, jeans, t-shirt tas sapatos at konting ayos ng buhok pwede na! Yung iba mas experimental, astig, preppy, formla kunyari, hip-hop, etc.. Ok sa akin kahit ano pa trip mo sa bihisan. Basta dala mo yung porma mo, ok na yan. Ang hindi ko lang talaga matanggap pagdating sa mga nakikita kong lalakeng naka-porma e yung mga DALA ANG BAG NG GIRLFRIEND NILA! Amf talaga pag nakaka-kita ako ng ganun! Nagbihis pa e! Kung magdadala ka ng handbag, sana nagpalda ka na lang! Badtrip!

Pare hindi ko naman nilalahat. Ok lang na dalhin mo yung bag ng kasama mong babae kung ang dahilan mo kabilang sa mga sumusunod: asawa mo kasama mo(clue:outside the kulambo), mabigat talaga yung bag, me injury yung GF mo,madami siyang dala at ang huli e kung bading ka pala talaga. Kung wala sa mga nabanggit ang dahilan mo e olats ka! Ekis ka!

 Hindi ko talaga maintindihan e kung bakit kailangang dalhin ng mga BF o mga manliligaw yung bag ng kasama nila! Nakakadagdag pogi points ba kapag dala mo yung napakagaan na bag nya? Feeling mo gentleman ka nyan? At kelan pa bumagay sa lalaki ang pagdadala ng handbag? Kung wala sa tabi mo ang GF mo, mukha kang bading(no disrespect to the gays out there) dahil sa dalang bag. Nakaka-irita talaga e lalo na pag nakita mong napaka-liit na nung bag e dinadala pa ng lalake! Pucha naman sayang porma mo brad!

Kaya kung ginagawa mo ang pagdadala ng bag ng GF mo nang wala sa hulog, magbago ka na! Tandaan, hindi sila nahihirapan sa pagbubuhat dahil magaan lang yun at accessory talaga nila yun at kung sa tingin mo e nakasanayan mo at nag-eenjoy ka na sa pagdadala ng handbag, ibang usapan na yun. Sa mga kababaihan naman jan, pag magaan yung bag nyo, kayo na magdala. Under na sa inyo yang BF mo ipinapakita mo pa sa publiko kung paano mo siya kinakapon? Men! Kung di kayo sang-ayon sa'kin, di ko trip makipag-away, paliwanag lang ang hanap ko at trip ko lang talaga na paabutin ka sa Boilin Point! mo! Yeahba!

Teka, Pasahero Ka 'din 'di ba? AMF ka!

JEEP-ang pangunahing sasakyan ng mga komyuter dito sa Pilipinas. Siguro naman nakasakay na tayong lahat sa jeep 'di ba? Iba't iba ang mga karanasan natin sa jeep, me masaya, exciting(dahil sa mga adik na driver), maingay(patok beybe!), malungkot/nakakatakot(holdap anyone?), at higit sa lahat at kadalasan e talaga namang nakaka-init ng ulo at nakaka-Boiling Point! dahil sa mga kapwa nating pasahero na parang sa impyerno yata galing at talaga namang bubwisitin ka hanggang sa maging tropa mo na si satanas dahil sa kakamura!

Unang Boiling Point! moment. Siyempre ang mga barker laging lampas ng dalawa(isa bawat isang row) ang bilang kung ilan ba talaga ang seating capacity ng jeep. Bad trip na 'yun e, lalo sa umaga tas nagmamadali ka pa. Ang nakakadagdag sa kabadtripan, e yung mga pasaherong ayaw UMUSOG! Men! Sabi nung barker, konting usog! Bingi ka ba? Kung makapag tengang kawali sila kala mo doble ibinayad e! Ang masama pa nito, kung ikaw yung huling sasakay! Goodluck! Malamang upong tailbone ka na! Kahit anong siksik mo, di uusog yung mga lecheng yan.

Pangalawa. Huminto na ang jeep dahil traffic, me pumara, pula ang ilaw sa traffic light, ano man sa mga nauna tapos wala pang limang metro pagkatapos umandar ulit ng jeep, may papara! Sows! Sosyal ka brad? Ayaw mong lumakad ng konte kasi tisoy ka? Konti na lang e! Abala na sa drayber, abala pa sa kapwa pasahero! Wala man lang konsiderasyon ke manong drayber yung mga damuhong ayaw sumayad sa lupa ang sapatos e. Kung sosyal ka at ayaw mong maglakad, magtaxi ka! leche.

Pangatlo at ang pinaka-bad trip sa lahat, e yung mga mas sosyal pa sa pangalawa, yung mga ayaw mag-abot ng bayad! Sa unang "paki-abot nga po" at hindi inabot, mapag-bibigyan mo pa e kasi baka hindi narinig. Pero yung pangalawa at pangatlo, ibang usapan na 'yun! Ayaw na talaga iabot yung bayad mo men! Ibang klase kapal muks ng mga 'yan! Pakiramdam ata nila e sila lang ang anak ng Diyos at 'pag hinawakan nila yung bayad mo e magiging katulad na nila yung ibang pasahero. Men! Pasahero ka lang 'din 'di ba? Kung anak o asawa pa siya ng drayber ok lang kasi special siya. Pero hindi e! Sosyal lang talaga sila. Me pagkatanga pa ng konti yung mga ayaw mag-abot ng bayad kasi hindi nila mahalata na hindi mo talaga abot si manong drayber! Kung hindi lang talaga ako ipapapulis e matagal na siguro akong napa-away nang dahil lang sa otso na ayaw iabot ng katabi ko.

Kaya sa susunod na sasakay ka ng jeep, konting konsiderasyon naman. Kaya ka nga nag-jeep dahil masa ka di ba? Makisama ka sa ibang pasahero para hindi ka nasasaktan pag binabasa mo to! Ayusin mo ugali mo para bati tayo pag nagkasabay tayo sa jeep! Kung me angal ka, magvomment ka at sabihin mong Boiling Point! mo pag binabasa mo ang Boiling Point!

Super Junior=Pwe!

Sa wakas may blog na ulit ako! Ako nga pala si Japs. Estudyante, tambay, gala at loverboy. Hehe.  Dati akong may blog pero sa Friendster pa dati yun at puro kakesohan ang laman nun kaya eto ako ngayon, bagong subject. Sana maaliw ka na bumabasa nito ngayon.

Masasabi kong mahaba ang pasensya ko pero ang hindi ko natitiis e yung katangahan ng karamihan sa atin na hindi natin namamalayan ay nakaka-init na ng ulo para sa iba. Sa araw-araw nating mga buhay, maraming pangyayari ang talaga namang susubok sa ating mga pasensiya! Yung tipong mapapamura ka talaga sa sarap! Ang Boiling Point! ay susubuking ilarawan ang mga kabuwisitang mga nangyayari sa paligid lalo na yung mga naranasan ko na malamang sa malamang e inabot nyo ring mga magbabasa ng blog na ito. Sana kay ay matuwa, maaliw, maliwanagan at higit sa lahat, ay makipag-diskusyunan sa isat'isa lalo na sa mga medyo seryosong bagay. Nawa'y matuwa kayo sa inyong mga babasahin at sana ay ipagkalat nyo sa iba ang experience.. Ciao!

Isa sa mga badtrip na korean group ang Super Junior

 And The Main Event! Syempre kailangan me unang post.. Eto ang huling nakaka-BOILING POINT! na nangyarisakin.. Papasok ako ng klase ko nung Friday tapos nakasakay ako sa Bus nang marinig ko ang kantang "Mr. Simple" ng Korean group na Super Junior. Bakit ako nabuwisit sa kantang 'to? Simple lang, hindi ko maintindihan yung kanta. E langya naman, koreano yung kanta men, bakit pinapatugtog sa FM!?! Nakaka-inis kasi karamihan naman satin hindi nakaka-intindi ng koreano bakit sa FM pa pinatugtog ng lecheng FM station?!? Tapos sa bus pa kung saan wala akong kontrol? Pak talaga!



Bakit nga kaya sumikat yung mga korean group na yan? Pakisagot nga! Badtrip kaya! Sa mga fans jan, paki-paliwanagan ako kung bakit nyo trip ang mga grupong hindi nyo naman naiintindihan ang lyrics? Bakit nyo trip ang mga hindi mo malaman kung lalaki ba talaga o bading dahil sa bihis nila, na kadalasan naka-makeup at blonde pa? Sa dami ng magagandang kanta na naiintindihan natin, bakit koreano pa ang nirerequest nyo sa MYX? Bakit men? Bakit?

Sa mga fans ng mga korean group jan, bago kayo magalit pakisagot muna yung mga tanong ko. pababain nyo muna ang presyon ko tas recommend kayo ng iba pang BOILING POINT! experiences! yeahba!